Денес, 16.12.2014 година (вторник), во хотелот Александар Палас во Скопје, беа доделени награди за најуспешните претприемачи на микро и мали претпријатија во Република Македонија.
Васко Дамевски, менаџер на компанијата Ксенос, Демир Хисар и Сејди Шахсивари, менаџер на Урбан план констракшн од Тетово се добитници на првата, односно втората награда во категоријата мали претпријатија.
Ни претставува посебна чест и задоволство, во името на МРФП, да Ве поканиме на манифестацијата „Претприемач на годината 2014“.
На манифестацијата, по осми пат оваа година, ќе се изберат најуспешните микро и мали претпријатија во Република Македонија.
Во очекување на Вашето присуство.
Јавен повик за понуди за избор на добавувач на добра за подобрување на туристичка инфраструктура.
„Македонската развојна фондација за претпријатија“ (МРФП) ги поканува сите заинтересирани субјекти да учествуваат во тендерска постапка за набавка и поставување на добра наменети за подобрување на туристичката инфраструктура во планинските подрачја на територија на општините Охрид, Струга, Вевчани и Дебарца. Под добра кои се предмет на набавка и поставување се подразбираат планински клупи и маси, видиковци, патокази, информативни табли, паркинг остави за велосипеди и друго, како што се предвидени во тендерската документација.
На 23 септември 2014 година, во Тирана се одржа Саем на организациите корисници на грантови од фондот на Инструментот за претпристапна помош (ИПА) за прекугранична соработка меѓу Македонија и Албанија. МРФП учествуваше на Саемот како корисник на два грантови. Во партнерство со Партнерс Албанија беше спроведен проектот „Промоција на женско претприемништво“, а во моментов двете организации го спроведуваат проектот „Кон алтернативен туризам“.
На редовната седница на Советот на МРФП одржана на 28 мај 2014 година беше усвоен Годишниот прогрес и финансиски извештај на МРФП во 2013 година со извештајот на независниот ревизор. Исто така се донесе и одлука за избор на Независен ревизор и за вклучување на нов член на Советот на МРФП.